Унијата на европски фудбалски асоцијации (УЕФА), донесе одлука околу примена на нов сет на правила, кои ќе се применуваат во европските клупски натпреварувања од следната сезона.
Новиот сет на промени кои ќе стапат на сила веќе од следната сезона, беа претставени денеска на официјалниот сајт на Европската фудбалска унија (УЕФА).
Сите промени ќе се однесуваат за Лигата на шампионите, Лига Европа и Супер Купот.
Од следната сезона во елимационите фази во споменатите натпреварувања, клубовите ќе имаат право на четврта измена во евентуалните продолженија.
Покрај тоа, финалистите во Лига на шампиони, Лига Европа и Супер Куп, ќе имаат право во комбинација за првиот тим да вметнат 23 играчи, што значи дека на клупа ќе има дури 12 фудбалери, наместо досегашните седум.
Клубовите кои ќе обезбедат пласман во елиминационата фаза од Лигата на шампионите и Лига Европа, ќе имаат можност да регистрираат уште тројца играчи во јануари.
Уште една новост претставува одлуката за тоа клубовите, кои три пати по ред или пет пати вкупно ќе го освојат трофејот од Лига Европа, да имаат право да носат беџ на дресот на ракавот, кој ќе укажува на тоа дека станува збор за повеќекратен освојувач на споменатото натпреварување.
Право на оваа привилегија во следната сезона ќе има само екипата на Севиља, која Лига Европа ја освојуваше во пет наврати во периодот од 2006 до 2016 година.