Одбојкарската федерација на Македонија донесе одлука да ги отвори вратите од СЦ „Борис Трајковски“ за сите симпатизери на одбојката кои сакаат да ги поддржат нашите сениорски репрезентации во годинешните настапи во Европската лига.
Стартуваат дамите на домашен терен и в сабота (20:15 часот) ќе ја пречекаат Австрија во Европската сребрена лига, додека мажите овој викенд ќе гостуваат против Украина во Златната европска лига, но на неуитрален терен во полски Лоѓ, од добра познати причини. Потоа мажите играат дома со Белгија и Хрватска.
„Влезот за сите натпревари на нашите репрезентации ќе биде бесплатен. Ги отвораме вратите за навивачите на трибините во салата 'Борис Трајковски', сакаме поголема поддршка за двете наши сениорски репрезентации“, истакна генералниот секретар на ОФМ, Зоран Карановиќ.
27 мај
20:15: Македонија - Австрија (жени)
31 мај
17:30: Македонија - Латвија (жени)
20:15: Македонија - Белгија (мажи)
3 јуни
17:30: Македонија - Естонија (жени)
20:15: Македонија - Хрватска (мажи)
18 јуни
20:15: Македонија - Украина (мажи)
