Руска страница за огласи и барање на работа, објави оглас за работно место претседател на Русија, со наведување на потребните услови.
Во описот стои дека кандидатот ќе бида избран според резултатите од изборите во 2018 година.
Популарната страница за барање на работа „Superjob“ наведува дека за работното место претседател на Руската федерација можат да конкурираат кандидати над 35 години, а дека полот, образованието и искуството не се важни.
Личноста која ќе се пријави за оваа должност мора да биде социјално активна и да е патриот.
Идеалниот кандидат треба да поседува руско државјанство најмалку во текот на последните десет години, мора да знае барем еден странски јазик и да биде подготвен за чести службени патувања.
Меѓу обврските е и потпшување на државни закони, меѓународни договори, амнестија и уште многу други работи.
Лицето на позција претседател може да користи службен авион, стан, викендица, лична канцеларија во Кремљ и бесплатен превоз на релација работа и дома.
Од оваа страница велат дека ваквиот оглас воочи претседателските избори за нив е традиција.
„Само сакаме да потсетиме дека позицијата претседател на државата, е исто така работно место“, соопштено е од уредниците на страницата.
Претседателските избори во Русија ќе бидат одржани во март следната година, а рускиот претседател и фаворит за нов мандат Владимир Путин се уште се нема изјаснето дали пак ќе се кандидира.