Огромниот облак, што се разви над северниот дел на Италија, денеска пристигна до Истра, а во Пула силниот ветар корнеше стебла, објави веб страницата Истрамет.
Ровињ е прекриен со темни облаци, а ветрот е сѐ посилен. Облаци ги прекрија и Пореч, Стари Червар, Новиград. Во Пула, пак, силниот ветар корне дрвја.
Истра неодамна ја погоди големо невреме, по многу топлиот бран што во Италија беше наречен „Луцифер“. Ветрот тогаш уриваше стебла и носеше покриви.
Според хрватските медиуми, невремето предизвикало бранови и до два метри, а облакот фатен на снимка го вознемирил локалното население. Морнарите на отворено море се во сериозна опасност, пишува порталот Klix.ba.
