Поранешниот играч од средниот ред на Тотенхем смета дека Хари Кејн перфектно би се вклопил на „Олд Трафорд“ бидејќи тој е алката која недостасува.
„Видете, јас многу би сакал тој да остане во Тотенхем. Но, тие мораат да ги зголемат своите амбиции за да ги стигнат неговите“, почнува О'Хара зборувајќи за Talksport.
Џејми О'Хара излезе од академијата на Тотенхем и до 2011 беше дел од тимот каде сепак не се наигра бидејќи често беше праќан по позајмици. Одигра вкупно 56 натпревари и постигна 7 голови.
„Тој сака да освојува трофеи, а Манчестер Јуанјтед според мене е сѐ уште најголемиот клуб на светот. И покрај тоа што сега не се онаму каде што беа, и натаму се најдобри. Алката која недостасува во овој тим на Јунајтред, иако и Марсиал е фантастичен играч, е некој како Хари Кејн кој доколку би го потпишале тогаш веќе ќе зборуваме за тим кој може да освојува титули“, смета О'Хара.
О'Хара денес има 33 години и настапува за нисколигашот Билерики Таун бидејќи кариерата одамна му отиде надолу.