Охрид полн со гости, рестораните празни – сепак поднесени осум кривични за угостители

Охрид, 7 јуни 2020 (МИА) – Инспекторите на Пазарниот инспекторат викендов поднеле 22 кривични пријави за непочитување на владините мерки од страна на категоризираните сместувачки и угостителски објекти.

Осум кривични пријави се поднесени во Охрид, четири во Струга, пет во Битола, три во Дојран и по една кривична пријава на Пониква и во Маврово.

– Станува збор за кривични пријави поднесени поради прекршувања на забраната за сместување лица во категоризирани објекти, а само една пријава е за пречекорување на работно време и две кривични за прекршување на Протоколот 8 (повеќе гости на терасите, непочитување растојание или гостите се во внатрешниот дел од објектите), изјави денеска во Охрид, Мери Проја Продановска од Државниот пазарен инспекторат.

Кога станува збор за недозволено сместување гости во Охрид, викендов инспекторите затекнале само четири такви случаи. Се контролираат исклучиво категоризираните објекти односно пријавните станоиздавачи, оние субјекти кои остваруваат приходи од сместување туристи.

– Собите и сместувачките објекти ги контролираме во пријавени објекти што имаат решенија за работа. Контролите најчесто го вршиме во попладневните часови после 16 часот, кога на сила е полицискиот час односно кога сите треба да се таму каде што ќе ноќеваат, појасни Продановска.

Таа нагласи дека споредено со првите денови на олабавувањето на мерките, економските оператори генерално ги почитуваат мерките, забраните и препораките за работа, односно се придржуваат на определените протоколи за работа.

– Најбитно е да бидеме свесни за ситуацијата, да држиме дистанца, да носиме маски и на тој начин со заеднички сили да го победиме невидливиот непријател, порача Продановска.

Инспекторите од Државниот пазарен инспекторат остануваат на терен каде постојно ќе спроведуваат контроли на угостителските и сместувачките објекти на територијата на целата држава.

Продолжениот викенд донесе зголемен број  гости  во Охрид. Зголемена е раздвиженоста на луѓе по чаршијата, долж Кејот на Охридското Езеро и низ градот, но без позначајна посетеност на угостителските објекти, кафулињата и рестораните. Двомесечната изолација наметната поради епидемијата на коронавирусот како да ги одвикна луѓето да одат по кафеани и ресторани. Дури и со намален ограничен капацитет на столици, кафулињата во градот не беа полни. Рестораните уште попразни, иако градот бележи зголемен прилив на гости од другите градови.

Remote video URL
реклама

Македонија

Филипче: За кратко време ќе имаме брзи тестови за COVID-19, достапни ќе бидат во болниците и на граничните премини

Read more

Ако финансиската поддршка не стигне до работниците ќе следат кривични пријави, предупреди премиерот

Read more

Заев: Прашањето за Гоце Делчев треба да го решава Мешовитата комисија

Read more

Османи охрабрен од европратениците за старт на преговори со ЕУ годинава

Read more

Вести

Филипче: За кратко време ќе имаме брзи тестови за COVID-19, достапни ќе бидат во болниците и на граничните премини

Читај повеќе

Ако финансиската поддршка не стигне до работниците ќе следат кривични пријави, предупреди премиерот

Читај повеќе

Заев: Прашањето за Гоце Делчев треба да го решава Мешовитата комисија

Читај повеќе

Преглед на состојбата со COVID-19 во светот

Читај повеќе

Ердоган: Азербејџан мораше да ги земе работите во свои раце

Читај повеќе

Баку: Имаме одговор доколку Ереван го употреби ракетниот систем „Искaндер“

Читај повеќе

Гордана Јанкулоска упатена во КПУ Идризово за случајот „Тенк”

Читај повеќе

Меркел: Бројот на заразени во Германија би можел да биде 19.200 дневно

Читај повеќе

Клуге: СЗО сѐ уште не знае дали коронавирусот настанал по природен пат

Читај повеќе