Напоредно со превентивните активности од областа на безбедноста на сообраќајот кои што речиси секојдневно се реализираат преку надлежните полициски служби во сите сектори за внатрешни работи на МВР, продолжуваат и интензивните сообраќајни контроли на патиштата низ државата.
Така вчера (17.02), во рамки на активностите на полициските службеници за 796 учесници во сообраќајот биле издадени платни налози, а од друга страна наплатени беа 500 платни налози. Дури 338 од овие прекршоци вчера се однесувале на неправилното паркирање, а во 145 случаи станувало збор за непочитување на пропишаната брзина на движење.
Од друга страна, пак, по однос на прекршоците по основ на неносење сигурносен појас и говорење на мобиен телефон при возење, евидентирани биле 50, односно 31 прекршок.
Полициските службеници детектирале 58 лица што учествувале во сообраќајот без возачки дозволи, во 8 случаи откриени се алкохолизирани возачи, во 4 случаи возачи минале на црвено светло, а во сообраќајот учествувале и 15 нерегистрирани возила.
