Политичарите во Австралија во изминативе денови ја актуелизираат темата за забрана на т.н. октагон девојки на следниот УФЦ настан што треба да се одржи во Мелбурн.
Во изминативе години бројни спортови, вклучувајќи ја Формула 1, одлучија да се откажат од провокативно облечените девојки кои беа симбол на настаните со самата нивна појава. Истото се случува и со саемите на автомобили, каде девојките веќе не се само „за украс“.
Кога станува збор конкретно за Мелбурн, минатата година беше одлучено во иднина на трките на Формула 1 во овој град да нема разголени девојки на стазите.
По истиот принцип и со речиси истата реторика, премиерот на Австралија ги повика челниците на УФЦ „да постапат правилно“, односно да ја сменат одлуката за присуството на овие девојки, пред настанот УФЦ 243 што е закажан за во октомври.
„Сега е 2019 година, дали навистина ни требаат разголени девојки кои се шетаат наоколу меѓу рундите во октагонот? Ваквите девојки веќе ги нема во Формула 1, ги нема на професионалните натпревари во пикадо – сигурно е време и УФЦ да донесе иста одлука“, порача Даниел Ендрјуз.
Австралиските политичари кои ја поддржуваат оваа идеја ги образложија своите причини:
„Поминавме долг пат за да се избориме за рамноправност на девојките и жените во спортот. Време е и за овој чекор.“