Рајан Хол се повлече од трчањето маратони во 2016 година, но сè уште држи неколку рекорди. Затоа сигурно е личноста која ги има најдобрите совети за трчање, особено во зимските месеци.
„Прво, осигурајте се дека ви е доволно топло. Внимавајте на рацете и стапалата. Овие делови од телото ослободуваат топлина кога се прегреваме, но може да станат и многу ладни. Затоа набавете квалитетни ракавици и чорапи кои ќе ви ги задржат дланките и стапалата топли“, советува Хол.
Тој исто така истакнува добро да го испланирате времето на трчање и маршрутата и се држите подалеку од патеки под сенка, бидејќи ќе ви биде помалку ладно ако трчате на локации што се изложени на директна сончева светлина. Тој, исто така, вели дека е важно да се знае кога е премногу ладно за трчање, па во тој случај изберете лента за трчање.
„Ако температурата е под -5 Целзиусови степени, сакам да бирам затворен простор. Тоа не значи дека не можете да се загреете надвор, но ќе имате поквалитетен тренинг ако сте во затворен простор“, додаде тој.
Конечно, тој предлага дополнително да се загревате во текот на зимските месеци бидејќи трчањето на студ може да доведе до поголем ризик од повреди на мускулите, зглобовите и лигаментите. И на крај, вели Хол, не заборавајте после тренингот да се наградите со нешто топло и вкусно.