Одржувањето на Олимпијадата во Токио закажано за следната година е под знак прашалник, освен доколку дотогаш не се открие вакцина против COVID-19, предупреди водечкиот научник за јавно здравје, професорот Деви Сридар од Универзитетот во Единбург.
„Ако најдеме вакцина до следната година, Олимпијадата ќе се одржи. Вакцината ќе го промени текот на настаните. Но, ако тоа не се случи, се чини дека малку е веројатно дека игрите во Токио ќе се одржат“, рече професорот Сридар.
Олимписките игри во Токио требаше да се одржат летово, но беа одложени до 2021 година заради глобалната пандемија предизвикана од новиот коронавирус.