Францускиот напаѓач Оливие Жиру го продолжи договорот со англискиот клуб Челзи.
Актуелниот договор на Жиру му важеше до 30 јуни годинава, а сега ја продолжи соработката со „сините“ до летото, 2020 година.
„Многу сум среќен. Навистина сакав да останам во клубот, ги засакав сите членови на екипата како семејство. Се надевам дека ќе освојуваме трофеи“, рече 32-годишниот Французин.
Жиру стигна во Челзи во јануари, 2018 година од Арсенал, а во 62 натпревари постигна 17 голови.
