Доналд Трамп ја критикуваше неговата поранешна соработничка Омароса Маниголт Њуман која објави мемоари во кои го претставува американскиот претседател во негативно светло.
„Чукнатата Омароса, која три пати беше отпуштена во ‘Приправник’, сега е отпуштена за последен пат. Никогаш не успеа, никогаш нема ни да успее. Ме молеше за работа, со солзи во очи, се согласив. Луѓето во Белата куќа ја мразеа. Беше жестока, но не и паметна“, напиша Трамп на Twitter, меѓу другото.
Омароса, која во нејзината книга зборува и за „изопачениот однос“ на Трамп со ќерка му Иванка, го изнесе можеби најсилното обвинение досега – дека го видела претседателот како става во уста парче хартија по состанок со неговиот адвокат Мајкл Коен, за кое таа тврди дека било доверлив документ.
„Го видов како го става листот хартија во уста. Со оглед на тоа дека Трамп има фобија од бактерии, бев шокирана кога видов дека ја изџвака и ја голтна хартијата. Сигурно стануваше збор за нешто многу, многу доверливо“, вели Омароса во нејзината книга за Трамп, „Unhinged“.