Долгоочекуваниот повторен собир на „Friends“ конечно доби термин за првото свое прикажување, по одложувањето на снимањето предизвикано од пандемијата на коронавирусот.
„Friends“ е една од најпопуларните хумористични серии, а последната сезона заврши во 2004 година. Специјалната епизода ќе биде достапна на стрим-сервисот HBO Max од 27 мај. Оригиналната актерска екипа на серијата успеа да ја сними епизодата минатиот месец.
Шоуто најде нова генерација обожaватели, благодарение на повторувањата на епизодите на новите стрим-сервиси.
Сите шест члена на оригиналната екипа – Метју Пери, Џенифер Анистон, Кортни Кокс, Лиза Кудроу, Мет Лебланк и Дејвид Швимер ќе глумат и во новата епизода, заедно со други sвезди гости, како Рис Витерспун и Том Селек. Се очекува да се појават и Лејди Гага и Џастин Бибер.
