Побарувачката за овој модел скокна за неверојатни 350% минатата недела, а по Супербоул станаа вистински хит. Сега е совршено време да ги додадете во вашиот гардеробер како клучно модно парче за комбинирање.
Раперот Кендрик Ламар неодамна настапи на 59-тиот Супербоул и ги „запали“ социјалните мрежи – не само со својот спектакуларен настап, туку и со модниот детаљ што привлече огромно внимание: фармерките кои веќе следниот ден беа распродадени.
Станува збор за фармерки со трапезен крој, моделот Celine Flared Surf Jeans in Summer Dazed Wash Denim, чија цена изнесува 13.000 долари. Овој ретро модел од 90-тите сега доживува голем камбек на модната сцена.
Фармерките со bootcut крој беа симбол на 90-тите и неизоставен дел од стилот на Џенифер Анистон, позната по улогата во серијата Friends. Таа остана верна на овој модел дури и кога другите стилови беа популарни. Но, благодарение на Супербоул и Ламар – овие фармерки повторно се вратија во нашите гардеробери како задолжителен моден избор.
Она што ги прави овие фармерки толку посебни е нивната способност да ја истакнат линијата на колковите и бутовите, додека суптилно се шират под колената. Овој дизајн визуелно ги издолжува нозете и додава елегантна леснотија на секој аутфит.
Токму поради оваа уникатна комбинација на стил и удобност, фармерките со bootcut крој повторно се во центарот на вниманието. Модните експерти веќе ги прогласија за must-have парче за оваа сезона, пишува Who What Wear.
Според податоците од модната платформа LTK, само минатата недела пребарувањата за овие фармерки скокнале за неверојатни 350%.
Ако сте љубител на ретро стилот или едноставно сакате да бидете во чекор со најновите трендови, сега е вистинскиот момент да го пронајдете вашиот совршен пар.
