Чек дис аут

Она кога баба ти е инфлуенсерка, па се шлепаш на неа

11. декември 2019 - 15:54 | А.С.

Не може да ги сакате сите членови на семејството подеднакво и секогаш имате еден омилен роднина.

Најдобрата варијанта е некој од семејството исто така и да ви е добар пријател. Врв на целата приказна е тоа да е баба ви. И да има 93 години.

Токму тоа му се случи на 27-годишниот Рос Смит кој ја обожава баба му Полин Кана. Рос е убав и фин дечко, но покрај баба му тој дефинитивно паѓа во сенка. Баба Полин дефинитивно го зема целото внимание.

Сѐ почнало пред шест години кога Рос бил студент на колеџ и снимал кратки Vine видеа. Во едно од тие видеа ја вклучил и баба му како му блокира забивање на кош.

Видеото го „преврти“ интернетот и оттогаш сѐ се смени за овие двајца најдобри пријатели.

Внукот сфатил дека баба му е далеку покул од него и решиле да станат партнери и заедно да прават пресмешни фотографии и видеа кои ги споделуваат на социјалните мрежи.

Бабата стана инфлуенсерка, па заедно често ги ангажираат за рекламирање производи.

Коментирај