Компанијата OnePlus го претстави својот нов паметен телефон, OnePlus 10T, кој е достапен и за клиентите во Европа.
OnePlus ја промени својата стратегија оваа година и во втората половина го претстави својот нов модел без ознаката Pro. Иако отфрли некои карактеристики за да биде цената пониска, OnePlus 10T всушност го надминува 10 Pro во одредени аспекти.
Што се однесува до екранот, сè уште има 6,7-инчен OLED панел со резолуција од 1.080 x 2.312 пиксели и стапка на освежување од 120 Hz, но тоа е стандарден OLED екран во споредба со понапредниот LTPO2 што го има моделот Pro.
Сепак, OnePlus 10T се напојува со понов процесор Snapdragon 8+ Gen 1 поврзан со 8, 12 или 16 GB RAM и 128 или 256 GB внатрешна меморија UFS 3.1 (во зависност од пазарот).
Смартфонот има и нов 3D Cooling System, кој всушност е најголемата испарувачка комора која е дел од моделот на OnePlus.
За да ги намали трошоците, OnePlus ја намали камерата во споредба со 10 Pro. Напредната ултра широка камера и 3x телефото камерата се заменети со неимпресивна ултраширока камера од 8 MP и макро камера од 2 MP. Добрата вест е дека главниот Sony IMX766 сензор е пренесен од 10 Pro со отвор на бленда f/1.8 и оптичка стабилизација.
Напред се наоѓа селфи камера од 16 MP (f/2.4).
Уредот се напојува со батерија од 4.800 mAh која поддржува полнење од 150W SuperVOOC.
OnePlus 10T ќе биде достапен во Moonstone Black и Jade Green нијанси. Во Европа веќе се прифаќаат однапред нарачки, а испораките се очекуваат од 25 август. Основниот модел со 8 GB RAM и 128 GB внатрешна меморија чини 699, додека верзијата со 12 GB RAM и 256 GB внатрешна меморија чини 799 евра.
