Легендарниот НБА центар Шекил О'Нил гостуваше во емисијата „GOAT“ каде имаше што да каже.
Познато е дека Шек не е фан на Руди Гобер, кого заедно со Бен Симонс ги нарече најлошите играчи што некогаш играле во НБА.
Она што му пречи на О'Нил кај Гобер е тоа што е многу добро платен, а тоа не го оправдува на паркетот.
„Ако потпишете договор вреден 250.000.000 долари, треба да покажете дека вредите 250.000.000 долари. Има причина зошто денес чекорам смешно, зошто не можам да го вртам вратот - тоа е затоа што играв напорно за моите 120.000.000 долари. Играчите како него го имаат измамено системот, заработиле толку пари, а не знаат како да играат, па затоа воопшто не ги почитувам“.
Шек додаде дека не му се допаѓа медиумите да ја пренесуваат неговата критика како „омраза“, бидејќи, како што вели тој, само ги кажува фактите.
„Секогаш кога давам вакви коментари, луѓето мислат дека сеам омраза, но тоа се факти. Има наставници, професори, пожарникари, лекари кои работат вистинска работа и не се многу платени“, заклучи легендарниот Американец.
