Ѕвезда на платформата OnlyFans открива дека го продала својот „лик“ на вештачка интелигенција за да си ослободи време и да биде во тек со безбројните барања од обожавателите.
Клои Амур од Лас Вегас со години настапува во индустријата за забава за возрасни на платформата OnlyFans. Сепак, следењето на барањата на обожавателите и постојаното ангажирање со нив, додека одржува успешна кариера во овој сектор од индустријата, набрзо стана голем предизвик.
Таа за Daily Mail изјави дека не може секогаш и во секое време да ги задоволи барањата на своите обожаватели, па решила да имплементира иновативно решение.
Клои (33) создаде виртуелно алтер его, со помош на вештачка интелигенција, кое за неа комуницира со публиката кога распоредот ќе ѝ „згусне“.
„Кога разговарам директно со моите обожаватели, понекогаш има работи за кои сакаат да разговараат со мене, или има работи што ги сакаат од мене што можеби не можам да им ги дадам. Но, преку вештачката интелигенција, тие имаат ист лик на располагање, и на некој начин можам да бидам каква што тие сакаат да бидам“, вели OnlyFans ѕвездата.
Клои одлучила да создаде верзија со вештачка интелигенција од себе откако идејата ѝ била предложена од компанија која ѝ платила за нејзините фотографии, видеа и лични податоци.
Сепак, Клои вели дека вештачката интелигенција понекогаш и изгледа „страшна и чудна“, но добрите страни во голема мера ги надминуваат сите недостатоци и таа може да управува со своето време и да го отстрани притисокот од нејзината работа.