Националното жири за избор на „Автомобил на годината во Македонија“ ја прогласи Opel Corsa за освојувач на Гран при во 2020 година.
На изборот што се одржа по јубилеен 25-ти пат, во најтесна конкуренција за наградата покрај Opel Corsa, влегоа и BMW 1, Kia XCeed, Mazda 3, SsangYong Korando и Toyota RAV4.
– По анализатa на сите својства на возилата што беа избрани како финалисти и по практичното запознавање со возните карактеристики, членовите на националното жири за избор на „Автомобил на годината“ во Македонија, титулата ѝ ја доделија на Opel Corsa, изјави Горан Антевски од националното жири.
При изборот членовите на жирито се раководеа од шесте критериуми: адекватност и понуда на домашниот пазар, економичност и еколошка прифатливост, безбедност и примена на технолошки достигнувања, возни својства, дизајн, комфор и опременост.
Победничкото возило Opel Corsa доби 110 бодови од жирито, пред Mazda 3 со 86 и Toyota RAV4 модел што доби 81 бод.
Гласот од финалистите годинава го доби моделот Mazda 3. Од шесте финалисти за моделот Mazda 3 гласаа три.
Признание „СУВ на годината“ го доби моделот Toyota RAV4.
Наградата „Томислав Биљарац“, која се доделува во чест на доајенот на македонското автомобилско новинарство, е за Славка Каленикова.