Компанијата OpenAI започна да ја воведува својата напредна функција Voice Mode, а помал број претплатници на ChatGPT веќе ја имаат на располагање и можат да водат разговори со четботот за вештачка интелигенција (ВИ).
Сите претплатници на ChatGPT Plus услугите треба да добијат пристап до проширениот сет на алатки до есен годинава. OpenAI објави преку социјалната мрежа X дека напредната верзија на функцијата Voice Mode „нуди поприродни разговори во реално време и му овозможува на корисникот да го прекине ChatGPT во секое време, а исто така 'чувствува' и реагира на емоциите на корисникот.
Поддршката за гласовни разговори беше воведена минатиот септември во ChatGPT, а понапредната верзија беше јавно демонстрирана во мај. ChatGPT-4o користи единствен мултимодален модел за гласовни способности наместо трите одделни модели што ги користеше неговото претходно аудио решение, намалувајќи го доцнењето во разговорите со четботот.
We’re starting to roll out advanced Voice Mode to a small group of ChatGPT Plus users. Advanced Voice Mode offers more natural, real-time conversations, allows you to interrupt anytime, and senses and responds to your emotions. pic.twitter.com/64O94EhhXK
— OpenAI (@OpenAI) July 30, 2024
OpenAI привлече многу критики во мај за гласот што звучеше како холивудската актерка Скарлет Јохансон, чија актерска кариера вклучува позјамување на глаост на ВИ ликот Саманта во филмот „Her“. Пристигнувањето на напредниот Voice Mode беше одложено по „недоразбирањето“, а иако компанијата инсистираше дека гласот не го имитира познатата Јохансон, сепак го отстрани.
