Водителката Опра Винфри денеска даде нова изјава во која ги појаснува работите околу тоа кој коментирал за можната боја на детето на Хари и Меган, што предизвика бурни реакции во јавноста синоќа.
Во вчерашното гостување во „The Oprah Show“ принцот Хари и неговата сопруга Меган предизвикаа лавина реакции откако Меган се жалеше на нејзиниот третман во кралското семејство, а врвот беше изјавата дека членови на палатата „изразија загриженост за тоа колку ќе му биде темна кожата на бебето кога ќе се роди“.
Тие не открија кои личности изразиле таква загриженост, но денеска Опра во гостувањето на емисијата „This Morning“ во CBS кај нејзината пријателка Гејл Кинг откри некои работи кои не беа во нејзината емисија. По емисијата, принцот Хари ѝ кажал само кои личности не биле дел од коментарите за бојата на кожата.
„Не ми го откри нивниот идентитет, но сакаше да биде сигурен дека знам, и, ако имам можност да кажам дека неговата баба, ниту пак неговиот дедо биле дел од тие разговори“, појасни таа. Тоа значи дека кралицата Елизабета и нејзиниот соприг Филип не биле расистите.
„И пред камера и зад камерата пробав да извлечам одговори од него кои биле тие луше, но не сакаше да каже. Само сакаше да знам дека не биле баба му и дедо му“, додаде таа.
Принцот Хари во емисијата на Опра рече: „Никогаш нема да кажам, но тогаш беше чудно и се шокирав. Тоа беше на почетокот: 'Како ли ќе изгледа детето?'“.
