Мажите кои имале пет и повеќе партнерки на кои им пружиле орален секс се во најголем ризик од рак на главата и вратот кој се поврзува со HPV, покажа новото истражување.
Иако моменталните дијагнози од оваа болест се ретки и погодуваат само 0,7 отсто од машката популација, сепак научниците од институтот „Џонс Хопкинс“ предупредуваат дека мажите не се свесни дека се во многу поголем ризик од жените, посебно ако се пушачи.
Истражувањето, објавено оваа недела е последно во низа од доказите кои укажуваат на тоа дека HPV вакцините им се потребни на машките деца исто колку што им се потребни и на женските.
Постојат околу 100 различни врсти на HPV, но само неколку предизвикуваат рак.
„Од овие причини би требало да се работи на тоа да откриеме кои луѓе се во најголем ризик од орофарингеални малигни заболувања“, вели водичот на ова истражува доктор Амбер де Суза.
„Откривме дека кај жените оралната инфекција од HPV кој предизвикува рак е ретка, без разлика на тоа со колку партнери практикувале орален секс. Оралниот HPV кој предизвикува рак ретко се појавувал кај мажи кои се непушачи и кои промениле помалку од пет партнерки за орален секс, но шансите за добивање на HPV инфекции го зголемуваат бројот на партнерки и факторот за пушење“, додава овој доктор.
