Истражувачите од Универзитетот Јорк велат дека луѓето коишто имаат пореметувања во исхраната, луѓето коишто постојано се на диети, лицата со опсесивно-компулсивно растројство и оние коишто имаат лоша слика за своето тело – може да развијат патолошка опсесија позната како орторексија(доаѓа од грчкиот збор „orthos“ што значи коректно и „orexis“ што значи апетит).
Иако здравата исхрана е важен дел од правилниот начин на живот, некои луѓе може да развијат опсесија за здрава исхрана која може да стане психо-физички проблем.
Сѐ повеќе луѓе сакаат да контролираат што јадат, а тоа е добра навика. Но, проблемот настанува кога изборот на храната станува товар од кој не можете да се ослободите. Кај овие луѓе, желбата да се хранат здраво прераснува во опсесија и тие почнуваат да развиваат загрижувачки психолошки симптоми.
Разгледувајќи ги резултатите од истражувањето, професорите заклучиле дека опсесијата со здрава исхрана може да биде знак дека лицето се бори со лошо ментално здравје.
Претходните истражувања покажаа дека за разлика од луѓето кои се борат со анорексија, луѓето коишто страдаат од орторексија повеќе се фокусираат на квалитетот на храната, а не на бројот на калории.
Со текот на времето трошат многу пари за купување, подготвување и подготовка на здрави оброци што на крајот станува опсесија која им пречи во извршување и на другите обврски и води до губиток на тежината.
Од истражувањето заклучија дека и жените и мажите подеднакво се борат со ова пореметување.
