Вооружени разбојници вчера ограбиле две аптеки во Скопје. Станува збор за два одвоени случаи, а полицијата трага по сторителите.
Според информациите на МВР, вчера во 21 часот, во аптека на ул. „Џон Кенеди “ во Скопје непознат сторител со закана со пиштол од вработениот одзел околу 14.000 денари и избегал.
Вториот грабеж се случил во исто време, 21 часот, во аптека на булевар „Крсте Мисирков“ во Скопје. Крадецот ѝ се заканил на вработената со пиштол и украл околу 30.000 денари по што избегал.
Полицијата презема мерки за пронаоѓање на сторителите, соопшти МВР.