Сите овие работи биле пронајдени кај човекот кој се самопрогласи за Божји син и кој води христијанска секта на Сибир.
Полицијата упаднала во просториите на сектата во Краснојарскиот регион во Сибир каде модерниот месија Сергеј Тороп завршил со лисици на рацете, а покрај него биле притворени уште двајца негови следбеници. Сите тројца се однесени во притвор во градот Новосибирск.
Тој сега се соочува со обвинение за „создавање религиско друштво чии активнсти содржат насилство кон граѓаните“. Обвинението за насилството е заради физички повреди на негови следбеници.
За време на претресот, полицијата пронашла куп празни шишиња од лакохол, накит, оружје, секс-играчки и купчиња пари (рубљи, долари и евра). Бидејќи групата наводно се залага за љубов и мир, полицијата била прилично изненадена од полуавтоматските пушки сајга кои ги пронашла.
Тороп ја создал сектата во 1991 година и на неговите следбеници им забранува консумирање алкохол, пушење, па дури и чување пари. Живеат како фармери и се вегетаријанци. Иначе, Тороп е поранешен сообраќаен полицаец, а одамна верува дека е реинкарнација на Исус и себеси се нарекува Висарион.
