Слика на славниот уметник Пикасо вредна 70 милиони долари повлечена е од аукцијата која требаше да ја организира аукциската куќа Кристи, откако е забележано дека работниците ја оштетиле сликата при транспорт.
Засега се уште не е познато колкава штета и е нанесена на сликата „Le Marin, or The Sailor“, пренесуваат американските медиуми.
Интересно е тоа дека оваа слика му припаѓаше на поранешниот казино могул Стив Вин, кој од порано веќе имаше лоша среќа со една слика на Пикасо.
Вин во 2016 година со својот лакт ја проби сликата на Пикасо „La Reve“, додека ја покажуваше на своите пријатели во Лас Вегас.
Сепак, таа незгода имаше среќен крај, во однос на тоа дека вредноста на сликата беше проценета на 139 милиони долари, а додека после реставрацијата таа е продадена за 155 милиони долари.
Ќе видиме дали и оваа слика ќе може да се реставрира, па потоа можеби и повторно да се најде на продажба.
Од друга страна, оваа година не е толку одлична за Вин, во однос на тоа дека си даде оставка на местото извршен директор на компанијата „Wynn resorts“, после обвиненија за сексуално злоставување.