Објавен е нов трејлер за трилерот „The Card Counter“ со Оскар Ајзак во главната улога.
Дејството во филмот се одвива околу Вилијам (Оскар), професионален коцкар и поранешен војник кој патува од казино до казино и настојува да биде во целост анонимен. Но, неговиот спартански начин на живот е загрозен кога едно момче кое го познава ќе побара помош од него, за одмазда против заеднички непријател.
Во приказната се појавува и мистериозна спонзорка која сака овие двајца да ги поведе на светски натпревар во покер. На тој пат се случуваат пресврти кои го влечат Вилијам назад во неговото мрачно минато.
Зад овој проект како извршен продуцент стои Мартин Скорсезе.
Премиерата е закажана за 10 септември.
