Јужноафриканскиот поранешен атлетичар, а сегашен осуден убиец, бил повреден во затворска тепачка, велат официјални лица од Јужна Африка.
Поранешниот параолимписки шампион, кој отслужува 13-годишна затворска казна поради убиството на неговата девојка, бил повреден во тепачка која се случила денеска во затворот во кој тој е сместен.
Тепачката започнала кога Писториус се расправал со друг затвореник за правото на користење на еден од телефоните, кога затвореникот го нападнал поранешниот атлетичар и му нанел модринки и помали повреди на лицето и телото.
„Оскар Писториус претрпе мали физички повреди во инцидентот кој се случи помеѓу него и уште еден затвореник, во кој двајцата се степаа за користење на телефонот. Двајцата се преместени во крилото за корективно однесување“, вели Сингабачо Н’ксумало, портпаролот од затворот.
Тој е осуден поради убиството на Рива Стинкамп, кое се случи на Денот на вљубените во 2013 година.
