Номинираните за Оскар за 92. доделување на наградите на Американската академија за филмска уметност и наука, меѓу кои и членовите на екипата на „Медена земја“ одговараа на многу интересно прашање.
Во видеото што го објави Академијата на официјалниот YouTube канал, меѓу светските филмски ѕвезди се и режисерите на „Медена земја“ Тамара Котевска и Љубо Стефанов, како и продуцентот и монтажер на документарецот, Атанас Георгиев.
Сите одговараа на прашањето „Кој филм сте го гледале првпат во кино?“ односно го споделуваа нивното прво киноискуство.
За Георгиев тоа е филмот „The Fog“ на Џон Карпентер, а за Котевска „The Lion King“.
