Познатиот британски актер и противник на Брегзит поднел барање за италијанско државјанство.
Оскаровецот Колин Фирт (56) и еден од најомилените британски актери, побарал италијанско државјанство бидејќи не сака повеќе да живее во родната Британија.
Актерот, добитник на Оскар за улогата на кралот Џорџ Шести во филмот The King’s Speech, веќе 20 години е во брак со италијанската продуцентка и сопственичка на бренд за еко-мода Ливија Фирт, па тој ќе бара италијанско државјанство на основа на брак.
„Поднесе барање во италијанската амбасада во Лондон и чека наскоро да добие државјанство во Италија“, рече извор близок до актерот.
Фирт и неговата сопруга живеат во Лондон со синовите Лука и Матео, а имаат имот во Умбрија, Италија.
Актерот лани јавно зборуваше за неговиот став за Брегзит.
„За мене ова е катастрофа од неочекувани пропорции. Брегзит нема ниту една позитивна страна. Јас и многу мои колеги, вклучувајќи ја Ема Томпсон, сме свртени кон Европа со голем ентузијазам и уште не ни се верува што се случи“, рече тој.