Категоријата Најдобар странски филм за наградите што ги доделува Американската академија за филмска уметност и наука доби ново име.
Од следната година ќе се доделува Оскар за Најдобар меѓународен игран филм.
„Забележавме дека називот ‘странски’ е застарен во рамки на глобалната филмска заедница“, рекоа ко-претседавачите на Одборот за меѓународен игран филм, Лери Каразевски и Дајен Вејерман.
„Сметаме дека ‘меѓународен игран филм“ подобро ја претставува оваа категорија и промовира позитивен и инклузивен поглед на филмот и уметноста како универзално доживување“, додаваат тие.
Академијата истакна дека не се менува ниту едно правило, ниту услов за категоријата, освен тоа што во потесниот избор за наградата ќе влегуваат 10 филмови.
Истакнати добитници на Оскар во оваа категорија што беше воведена во 1957 година, се филмовите „La Vita e' bella“ на Роберо Бенињи, „Le charme discret de la bourgeoisie“ на Луис Буњуел и „Das Leben der Andern“ на Флоријан Хенкел фон Донерсмарк.