Министерот за надворешни работи е во Софија каде се наоѓа заедно со премиерот Зоран Заев и министерот за здравство Венко Филипче. Тој откако даде изјава за бугарските медиуми веднаш се упати во посета на преживеаните во болницата Пигоров.
„Над 40 се загинати, дел од повредените се донесени тука, меѓутоа дозволете прво да видам каква е состојбата па ќе излеземе со конечен став. Според тоа што го знам туристичката агенција е од Скопје и очекувам дека повеќето граѓани се од Скопје. Некои непотврдени информации велат дека има над 10 деца кои се починати, меѓутоа и другите биле млади парови кои го искористиле продолжениот викенд кој го имавме бидејќи понеделникот не се работеше - беше Ден на албанската азбука и граѓаните тој продолжен викенд го искористија да можат да се движат“, изјави Бујар Османи за бугарските медиуми.
