Volskwagen не губи време и најновиот модел Arteon кој само што го претстави веќе може да се нарача во Германија по цена значително повисока од слично опремен и моторизиран Passat.
Моделот Arteon за кој германскиот автопроизводител тврди дека е многу повеќе од замена за Passat CC, во моментов може да се нарача само во комбинација со најснажниот бензински и со најснажниот дизелски мотор.
Љубителите на бензинските верзии така може да сметаат на дволитарски TSI мотор. Со моторот стандардно следува 4Motion и автоматски менувач со две квачила, а заинтересираните купци ќе треба да издвојат 49.325 евра за оваа верзија (без дополнителна опрема).
Цената на слично опремен Passat со истиот мотор изнесува 46.250 евра.
Почетната цена на Arteon со најснажен дволитарски дизел битурбо мотор изнесува 51.600, а во цената исто така е вклучен 4Motion и DSG менувач.
До пристигнувањето на Phaeton, моделот од следната генерација, Аrteon е најголемиот и најлуксузниот модел на Volkswagen.
Автомобилот ќе се произведува во Германија, а првите купувачи ќе го добијат во јуни.
