Пензиониран пекар починал во неговиот стан пред осум години, а неговото тело случајно беше најдено дури сега, откако избувнал пожар во станбената зграда.
Од Хајнц Х. останале само коските, а до неговите останки најдени се и коските на неговото куче кое најверојатно изгладнело до смрт откако починал сопственикот, во станот во Сенден, западна Германија.
Пожарникарите го нашле мртвиот маж кога на сила влегле во станот како дел од напорите за евакуација на станарите во пожарот што избил во подрумските простории.
Веднаш била отворена истрага и било откриено дека поштенското сандаче на Хајц било преполно, а и неговиот автомобил скапува надвор на паркингот.
Последен пат Хајнц бил виден жив во 2011 година.
Ангелика Хафенер, една од неговите сосетки, изјави дека контактирала со неколку служби откако забележала чуден мирис од станот. Меѓутоа, ниту управникот на зградата, ниту полицијата не сметале дека мириса на мртво тело во распаѓање.
Друг сосед ја убедувал дека Хајнц, кој се разделил од сопругата пред многу години, најверојатно заминал да живее со некој пријател.
„Не заслужи да умре така“, рече Хафенер. „Беше фин човек. Ми рече дека престанал да работи како пекар бидејќи бил алергичен на правта од брашното. Сфатив дека не готви за себе, па понекогаш му носев домашна зготвена храна. Беше навистина добар сосед.“
Истрагата е во тек за да се дознае кога и како точно починал Хајнц и дали има живи роднини.
