Остатоци од диносаурус откриени во Египет го донеле првиот доказ за контакт меѓу африканските и европските диносауруси непосредно пред нивното исчезнување, пред околу 66 милиони години, тврдат научниците.
Работата на палаентолозите на мапа, која би го претставила начинот на кој се ширеле диносаурусите ширум светот, после раздвојувањето на „суперконтинетот“ на повеќе делови пред околу 200 милиони години, била отежната, пренесуваат странските медиуми.
Многумина сметале дека африканските диносауруси биле потполно изолирани од диносаурусите од другите континенти.
Новооткриениот мансоурасаурус имал димензии на слон и укажува на врската меѓу африканските и европските диносауруси, велат научниците.
Анализирајќи ја неговата физиологија, тимот на научници заклучил дека мансоурасаурус бил „поблизок до диносаурусите од Европа и Азија, отколку до диносаурусите чии остатоци биле пронајдени јужно во Африка или во Јужна Америка“, стои во соопштението проследено од Универзитетот во Охајо.
Како што се тврди, тоа покажува дека „барем некои диносауруси“ можеле да се движат меѓу Африка и Европа пред нивното исчезнување, кога Земјата пред околу 66 милиони години била погодена од огромен астероид.
„Последните диносауруси во Африка не биле во потполност изолирани“, пишува во текстот.