Ако ви треба одмор од мажи, не морате да барате подалеку од островот SuperShe, кој важи за вистинска островска оаза на крајбрежјето на Финска, а на мажите им е забранет пристапот.
Населбата ја основала Кристина Рот, која ветува дека ова ќе биде опуштена оаза само за жени. На оваа идеја дошла за време на одмор во Калифорнија, каде го забележала ефектот на мажите на позитивните вибрации.
„Кога ќе се појавеше симпатичен маж, жените полудуваа. Идејата е на SuperShe островот жените да се фокусираат на самите себе“, изјави Рот.
Секако, нејзината идеја не значи дека Рот мрази мажи и вели дека во иднина ќе ја разгледа можноста да дозволи и нивно доаѓање овде. Но, барем за сега островот е наменет строго само за жени.
„Жените треба да поминуваат време со други жени и да ги негуваат своите соништа и желби“, вели претставничката на SuperShe островот.
Островот моментално го користат само пријателките на Кристина Рот, а за јавноста би требало да биде отворен во јуни. Пред доаѓање потребно е да се пријавите за ексклузивно членство.
За поднесување на барање за членство, жените мораат да ги исполнуваат правата со телефонски број и да наведат зошто сакаат да го посетат овој остров.
Жените на островот ќе уживаат во активности како јога, медитација, здрава исхрана, готвење и фитнес. Цената на престојот за сега не е позната.