Поранешниот филмски продуцент Харви Вајнстин, кој вчера беше осуден на 23 години затвор поради сексуални напади и силување, е пренесен во болница поради болки во градите.
Вајнстин се пожалил на болка во градите и е пренесен од њујоркшкиот затвор „Рикерс“ во болницата „Белуве“, за да се лекува од срцеви проблеми, истакна портпаролот на Вајнстин во електронска порака.
На 24 февруари судот го прогласи Вајнстин, некогаш највлијателниот холивудски маж, виновен за сексуален напад на асистентката Мими Хали и за силување на поранешната актерка Џесика Ман, но е ослободен од најтешкото обвинение, дека е сексуален предатор, за што можеше да добие доживотен затвор.
Движењето #MeToo што настана како платформа против злоупотребите на Вајнстин ја поздрави изречената казна.