Меѓународната ракометна федерација (ИХФ) соопшти претпладнево дека денешниот натпревар од второто коло во групата А на Мундијалот во Египет меѓу репрезентациите на Германија и Зелен 'Рт е откажан и регистриран со службени 10:0 за германската репрезентација.
Одлуката доаѓа откако репрезентацијата на островската земја Зелен 'Рт во саботата остана без доволен број играчи по два позитивни случаи на коронавирус.
Мечот од третото коло во групата А меѓу Зелен 'Рт и Уругвај засега останува на распоредот, откако африканската репрезентација ја извести ИХФ дека ќе повика нови ракометари во својот табор.