Научниците во американската држава Орегон открија нов многу заразен сој на SARS-CoV-2, мутација на оној што се појави во Велика Британија.
Британскиот сој се измешал со локална мутирана варијанта и можно е да ги направи вакцините помалку ефикасни.
Американските здравствени работници досега наидоа на еден случај на овој, како што го нарекуваат, „застрашувачки сој “, а по истражувањето е утврдено дека потекнува од локалната заедница и дека не се развил кај пациентот кога бил откриен, објави New York Post.
„Ова сигурно го немаме увезено од странство – настанал спонтано, во нашата земја“, рече Брајан О’Рок, генетски научник од Универзитетот за здравство и наука во Орегон.
Основата на новооткриениот сој е дека има иста позадина како и новите соеви, но исто така и иста мутација - E484K (Eek), што е забележана во Јужна Африка, Бразил и Њујорк.
Лабораториските тестови покажаа дека мутацијата Еек ја намалува ефикасноста на вакцините со забавување на имунолошкиот одговор на организмот.
Британскиот вид B117 исто така има мутација Еек, но орегонскиот сој се развива независно, додаде О’Рук.