Голема е веројатноста дека никогаш нема целосно да откриеме како функционира човечкиот мозок, но тоа може да биде и добра работа бидејќи значи дека никогаш нема да престанеме да учиме. Последниот новитет за мозокот е дека во него се случува различен, уникатен облик на комуникација.
Експерти од Охајо открија мистериозен, нов облик на комуникација кој се случува во мозокот, кој ја заинтересира целата научна заедница.
И покрај големите откритија во текот на годините, човечкиот мозок и понатаму останува мистерија. Научниците од Универзитетот на Кливленд открија нов механизам за комуникација во мозокот кој ги воодушеви со начинот на кој функционира.
Тимот од научници го објави истражувањето за, како што тие ја нарекоа, „безжичната“ комуникација која може да скока преку различни делови од човечкиот мозок.
„Додека спиеме, кортексот и хипокампусот испраќаат мистериозни невронски бранови. Веќе подолго време знаеме за овие бранови, но никој не ја знае нивната функција и никој не веруваше дека тие можат спонтано да се размножуваат“, вели експертот од Универзитетот на Охајо, Доминик Дуранд.
Научниците успеаја да симулираат комуникација преку потполно отсечен и одвоен дел од мозочно ткиво, додека одвоените делови беа оставени во непосредна близина.
„Тоа беше огромно откритие, не само за нас, туку и за сите научници со кои зборувавме“, изјавија од тимот на научници.