Полициски службеници од Одделот за криминалистичка полиција во координација и соработка со СВР Скопје – Единица за недозволена трговија со дрога и СВР Куманово во пределот на село Винце, Кумановско, вчера пронашле насад со растението канабис сатива.
Како што информираат од МВР, утврдено е дека П.С.(44) од село Винце го сторил кривичното дело, односно вршел садење и одгледување на насадот со марихуана, по што бил лишен од слобода и по целосно документирање и расчистување на случајот, СВР Куманово во координација со ОЈО Куманово ќе поднесе кривична пријава по член 215 од Кривичниот законик.
По насоки од Јавен обвинител од ОЈО Куманово растенијата биле веднаш подигнати за понатамошна постапка.