Некои пациенти кои прележале COVID-19 пријавиле симптоми кои покажуваат дека коронавирусот влијае на ушите и на слухот.
Некои од тие симптоми вклучуваат губење на слухот и зуење во ушите, а симптомите како што се вртоглавица и проблеми со рамнотежата укажуваат на тоа дека вирусот SARS-CoV-2 го зафатил и внатрешното уво.
Нова студија потврди дека вирусот навистина може да го зафати внатрешното уво и епителните клетки, клучни за слух и рамнотежа, пишува Medical xpress.
Истражувачите успеаја да докажат дека вирусот може да ја зарази внатрешноста на увото. Во истражувањето од група пациенти, десет пациенти пријавиле симптоми поврзани со ушите.
Девет пациенти пријавиле зуење во ушите – тинитус, шестмина имале вртоглавици, а сите имале некој степен на губење на слухот.
Иако оваа студија покажува силна врска меѓу COVID-19 и проблеми со слухот и рамнотежата, уште не познато колку од заболените од ковид ги искусиле овие проблеми.