Астрономите ја најдоа најмоќната и најсјајната експлозија на ѕвезда откриена досега.
Таа е десет пати помоќна од нормална супернова и 500 пати посјајна, велат астрономите од Велика Британија и САД кои своите откритија ги објавија во извештај во реномираното научно списание Nature Astronomy.
Научниците од Универзитетот Бирмингем и Центарот за астрофизика Харвард-Смитсонијан во САД го опишуваат откритието како „екстремно моќна супернова масивна ѕвезда“ и го нарекоа SN2016aps.
Освен по моќноста и сјајноста, суперновата е спектакуларна и поради други нејзини својства, вели Едо Бергер, коавтор на истражувањето.
Една супернова емитува само 1% од својата енергија во видливо светло, но SN2016aps емитува многу поголем дел од вообичаено.
Научниците проценуваат дека SN2016aps има енергија колку 200 квадрилиони гигатони ТНТ експлозив.
Експлозија како оваа би можело да ни помогнат да дознаеме повеќе за супермасивните ѕвезди кои најверојатно постоеле во најраните денови на вселената.
Според дефиницијата на НАСА, супернова е екстремно сјајна и моќна експлозија при умирање на масивна ѕвезда со маса најмалку пет пати поголема од таа на Сонцето.