Планетата „монструм“, која теоретски не би требало да постои, била откриена во орбитата на мрачните џуџести ѕвезди, на големо изненадување на астрономите.
Ова откритие противречи на веќе прифатениот модел за формирање на планети.
Според таа теорија, околу малите ѕвезди можеле да се формираат планети со цврста површина, но не може да се соберат доволно материи за планета со величина на Јупитер, стои во соопштението на Кралското астрономско друштво од Лондон.
Сепак, гасовитиот џин, наречен планета „монструм“ поради својата големина, има димензии на Јупитер, најголемата планета во Сончевиот систем, додека ѕвездата околу која орбитира е двојно помала од Сонцето.
Новооткриената планета го доби името NGTS-1b, по мрежата на телескопот која го открила.
„Откритието NGTS-1b навистина не изненади. Толку големи планети не би требало да постојат околу мали ѕвезди. Полупречникот на планетата е околу четвртина од полупечникот на ѕвездите и навистина е голем во однос на домаќинот. Полупречникот на Јупиутер не е ниту 10 отсто од полупречникот на Сонцето“, изјави Даниел Бејлис од универзитетот Ворик.
Се наведува дека NGTS-1b се движи многу брзо, на дистанца помала од три отсто оддалеченост од Земјата и Сонцето и полн круг околу својата планета поминува за два и пол дена.
Планетите се создаваат од облаци прашина и вселенски „отпад“ кој малку по малку се собира околу новите ѕвезди.