„Одморот од соништата на секој маж“, како што се нарекува понудата Секс Остров на колумбиската компанија „Good Girls Company“ лани беше забрането да се одржи откако колумбиските власти жестоко се спротиставија на реализирањето на туристичкиот пакет на компанијата во кој дрско беа рекламирани неограничен секс со проститутки и непречено користење дрога.
Локацијата за годинешното издание досега беше мистерија, а сега е откриено дека „оргиите“ ќе се одржат во луксузен ресорт на приватен остров во близина на Тринидад и Тобаго.
Сепак, Министерството за туризам на Тринидад и Тобаго вели дека немаат добиено барање за одржување на ваков настан и нагласи дека проституцијата и користењето и дистрибуирањето дрога се нелегални во островската земја.
Секс Островот е идеја на двајца другари - едниот на 30-тина, другиот на 40-тина години – кои обожааат да се журкаат и редовно посетуваат секс забави ширум светот.
Двајцата се сметаат за „еден вид Робин Худ херои“ бидејќи „им овозможуваат на обичните мажи да го искусат светот на рок-ѕвездите“.
Цената за екстравагантната понуда изнесуваше 6.000 долари по лице за четири дена и три ноќи, но организаторите направија промоција за Црн петок што уште трае и сега картата чини 4.500 долари.
Годинава понудата е со термин од 14 до 17 декември, а бројот на карти е ограничен на 50. Во промотивното видео и рекламните материјали се нуди друштвото на 60 прекрасни девојки од Бразил, Колумбија, Порторико и други земји од Латинска Америка, две секси диџејки и средина во која се охрабрува користењето на дроги. Омилена дрога на досегашните гости на Секс Островот е кокаин.
„Девојките се тука да ве задоволат и да направат да се чувствувате како крал, а ако имате некоја посебна фантазија, викнете го домаќинот и ќе ви среди да ви се оствари“, ветуваат организаторите.
„Сите девојки се тестирани за сексуално преносливи болести и имаме строго правило за користење кондоми, а секако нудиме бесконечна залиха на кондоми за време на вашиот престој. Забавувајте се со нашите девојки на јахта, скијајте на вода, играјте одбојка на прекрасните плажи на нашиот секс-остров“, стои во понудата.
Гостите добиваат „неограничен секс со две девојки дневно“, а менувањето секс-партнерки со другите гости е дозволено. Во пакетот се вклучени сите оброци, бесплатен алкохол, превоз до аеродромот и враќање назад, забави на јахта, спални соби со бањи, безжичен интернет и секако, бесконечно количество на кондоми.
