Откриена вистинската причина за лутата реакција на Ѓоковиќ на Вимблдон

Српскиот тенисер Новак Ѓоковиќ го потресе тенискиот свет обраќајќи ѝ се на публиката по победата во осминафиналето против Данецот Холгер Руне, а сега е откриено и зошто реагирал толку бурно.

Новинарот Нуно Маркес-Нури, позивајќи се на братот на Новак, Марко, напиша на Х:

„Лут е затоа што неговите деца се во публиката и не трпи непочитување пред нив. Мојот извор е директно Марко Ѓоковиќ“, напиша Нури на Х.

Додаде дека му е јасно зошто Јелена Ѓоковиќ во изминатите години не била присутна на некои финалиња на Грен слем турнирите, посочувајќи дека тоа е начин да се заштитат децата од третманот што често го добива Новак.

Да потсетиме, Ѓоковиќ по синоќешниот натпревар им се обрати на безобразните навивачи кои го провоцираа.

„За сите навивачи кои останаа, имам голема почит што се таму. На сите оние што избраа да не ја почитуваат играта и играчите, им посакувам доооооообра ноќ, дооооооооообра ноќ“, одговори Ѓоковиќ правејќи гримаси на лицето.

Новинарот на теренот се обиде да ги смири страстите, но Новак имаше јасен став.

„Беше непочитување, не го прифаќам тоа. На турнеја сум повеќе од 20 години, знам како функционира. Се фокусирам на оние што ги почитуваат играчите, го сакаат тенисот, ги ценат играчите. Играв во многу понепријателска атмосфера, но не можеш ни да ми се приближите“, рече бесниот Новак.

Ривал на Ѓоковиќ во четвртфиналето на Вимблдон ќе му биде Австралиецот Алекс Де Минор (АТП 9), кој го совлада Артур Филис со 3:1 во сетови.