Откако беше објавено дека најдобриот словенечки кошаркар Лука Дончиќ поднел тужба до Канцеларијата за патенти и заштитни знаци на САД (USPTO) во која бара да се откаже регистрацијата на брендот „Лука Дончиќ 7“ во сопственост на мајка му Мирјам Потербин, локалните медиуми открија интересна позадина на ваквиот потег.
Во текот на првата сезона за Маверикс (2018/19), Дончиќ на 19-годишна возраст ѝ дал согласност на мајка си за регистрација на неговото целосно име како заштитен знак, а во јули 2021 година писмено соопштил дека сака да се поништи оваа согласност.
Словенецот тогаш сакаше да го регистрира својот бренд како „Лука Дончиќ“, но USPTO одби да го стори тоа бидејќи веќе постои бренд „Лука Дончиќ 7“, а мајка му не сакаше да го откаже.
Словенечкиот истражувачки портал necenzurirano.si открива дека Дончиќ не е во кавга со мајка си, туку дека спорот е започнат за да се исклучи од приказната нејзиното поранешно момче – бизнисменот Борис Пожег, познат како „Пикси“.
Наводно, Мирјам додека била во врска со Пожег му ги префрлила правата на брендот „Лука Дончиќ“ во Словенија. Пожег од лани во октомври има 40 проценти од правата на компанијата „Лука Дончиќ 77“ која работи во Европа, а Мирјам во меѓувреме раскинала со него.
По завршувањето на љубовната приказна, меѓу Потербин и Поже, започнаа семејните кавги и секогаш непријатната поделба на имотот.
Борис Пожег „Пикси“ е истакнат бизнисмен од Љубљана. Се занимава со продажба на недвижен имот и угостителство. Бил косопственик на познат хотел, а во меѓувреме се префрлил на индустријата за сладолед и продажба на недвижнини.
Во тужбата се наведува дека Дончиќ не се поврзува со брендот „Лука Дончиќ 7“, дека не одобрува ставање стоки и услуги под тоа име.
Во секој случај, патот на Дончиќ до конечното обновување на сопствениот бренд ќе биде долг. Постапката ќе трае најмалку до март 2024 година, а адвокатите Мирјам Потербин ќе треба да одговорат на барањето на адвокатите на Дончиќ до средината на следниот месец.