Хрватскиот фудбалер и играч на Реал Мадрид Лука Модриќ во досегашната кариера заработил 140 милиони евра, тврди порталот Capology.
Модриќ моментално има важечки едногодишен договор со Реал Мадрид кој му гарантира нешто повеќе од 420.000 евра неделно, што на крајот доведува до бројка од речиси 22 милиони евра годишно, што значи дека на крајот од сезоната ќе достигне цифра од 140 милиони евра заработени од плата во кариерата.
Отворено е прашањето каде и под кои услови Модриќ ќе игра следната сезона, но неговата желба беше јасна од претходно.
Хрватскиот играч за врска во неколку наврати изјави дека сака да игра само во Реал Мадрид следната сезона, а ќе биде интересно да се види дали Флорентино Перес повторно ќе му понуди толку богат договор, што секако ќе му покаже на Модриќ дека сè уште го ценат и целосно сметаат на него.
Шпанските медиуми претходно пишуваа дека Модриќ има понуда од Саудиска Арабија вредна 40 милиони евра годишно, што е двојно повеќе од она што го добива во Мадрид, но јасно е дека хрватскиот играч за врска не сака да го напушти Кралскиот клуб и елитното ниво на фудбал, каде уште има сила и волја да се натпреварува.
„Пред секој натпревар велат дека треба да се повлечам, дека сум мртов и никогаш не престанувам да им докажувам дека грешат“, изјави претходно Модриќ.
