„Круг филм“ објави отворена аудиција за играниот филм „Сестра“ во режија на Дина Дума, а во продукција на Круг филм и Лист продукција.
Сите кандидати кои се заинтересирани за улогите во филмот, а се на возраст од 15 до 25 години, се поканети на аудицијата што ќе се одржи на 20.04 (сабота) и 21.04 (недела) во Вардар Филм (ул. 8 март бр.4) од 10:00-18:00 часот.
„Сестра“ е приказна за соочувањето со последиците од сопствените акции, на две најдобри другарки, тинејџерки, и е тест за нивното другарство.
Исто така, повикот важи и за кандидати кои се заинтересирани да бидат статисти, а се на било која возраст.
Аудицијата ќе се состои од фотографирање и кратко видео претставување, а ќе биде реализирана од кастинг агенцијата „Гужва“.
Филмот „Сестра“ е финансиски поддржан од Агенцијата за филм на Република Северна Македонија.