Комитетот за разузнавање на американскиот Сенат едногласно во вторникот го потврди поранешниот дипломат Вилијам Барнс за иден шеф на ЦИА, изјави сенаторот Марк Ворнер, претседател на комитетот.
Тој рече дека оваа едногласна потврда за дипломатот ветеран Барнс, кандидатот на претседателот Џо Бајден за директор на ЦИА, сведочи за неговите „несомнени квалификации за таа позиција, долгогодишното искуство по прашањата на националната безбедност и пофалната посветеност на јавната служба“.
Варнер додаде дека се надева дека целиот Сенат сега ќе го потврди Барнс без непотребно одложување.
За време на сослушувањето на комитетот минатиот месец, Барнс рече дека на „сè покомплексната и поконкурентна“ меѓународна сцена, „предаторскиот“ став на кинеската влада претставува „најголем геополитички предизвик“.
Вилијамс Барнс ќе ја замени Џина Хаспел, првата жена на чело на ЦИА, чија кариера беше „извалкана“ со сознанијата за нејзината контроверзна улога во програмите за мачење по нападите на 11 септември.
